МЕКТЕП ТӘРБИЕ ЖҰМЫСЫН БАСҚАРУ ЖӘНЕ ҰЙЫМДАСТЫРУДЫҢ МАҚСАТТАРЫ МЕН МІНДЕТТЕРІ

Özet

Бұл мақалада Қазақстан білім беру жүйесіндегі мектеп тәрбие жұмысын басқару және ұйымдастыру қызметі, қазіргі заманғы мектеп тәрбие жұмыстарының бағыттары мен міндеттері, оларды ұйымдастырудағы басқару жұмыстары туралы мәселелер қарастырылған. Қоғам өркендеп, мемлекетіміз дамығанымен тәні сау, жаны азған жастардың көбеюі ата-ана, мектеп тәрбиесінің кемістігінің айғағы. Жас ұрпақ жанұя тәрбиесінен бастау алып, одан әрі мектеп тәрбиесімен жалғасады. Сондықтан білім берудің мектепке дейінгі, бастауыш, орта, жоғарғы оқу орындарында саналы жастарды тәрбиелеу, оларға дұрыс бағыт-бағдар беру қалыптасуы тиіс. Осыған орай, білім беру мекемелерінде тәрбие берудің жаңа әдіс-тәсілдері мен ұйымдастыру, басқару, басшылық жасау жұмыстары қарастырылып, тәрбие бағытының жан-жақты салалары қамтылуда. Әсіресе, жас ұрпақтың тәрбиесінде негізгі орын алатын мектеп тәрбие жұмысы жүйесінің дұрыс жасалуы, нақты, қажетті бағытта ұйымдастырылуы, оған сауатты, тәрбиелі, іскер, қабілетті мамандардың басшылық жасауы, мектеп тәрбие жұмысын басқару қызметінің ерекшелігін арттырады.